O Contacontos de Musicreques no Apego de Narón

Este venres 25 de Outubro visitamos Narón, invitadas polo Servizo de Normalización Lingüística do Concello, para facer unha sesión dobre do Contacontos Musical para bebés dentro do Programa Apego.

A primeira sesión tuvo lugar ás 17:00 e a segunda ás 18:15 no Local Social "Os Irmandiños" do Val. Encheuse o aforo nas dúas sesións xa que asistiron ao redor de uns 40 bebés acompañados dos seus pais, en cada unha delas.

Todos, maiores e pequenos, pasámolo pipa cos contos, cantando, dando palmas, facendo as coreografías e gozando dos monicreques. Ao rematar o Contacontos, moitos rapaciños achegáronse ata o escenario para que o paxariño Pío lles peteirase na man e foi moi bonito ver as súas caras cheas de ilusión.

Aquí tedes algunhas imaxes do Contacontos para bebés deste venres.

As próximas actuacións serán nos Concellos de Coirós e Cedeira. Vémonos!

Síguenos en facebook!

Éxito da actuación de Musicreques no Odeón

A actuación no Centro Comercial Odeón de Narón foi todo un éxito de público. 

Os rapaces asistentes estivieron atentos durante todo o espectáculo e participaron moitísimo. Cantaron, deron palmas, responderon ás preguntas, contaron a tódo-los animais, resolveron as adiviñas e fixeron as coreografías propostas.

Un público fantástico!!

Síguenos en Facebook!

Próxima actuación de Musicreques no Odeón

O sábado deste próximo fin de semana Musicreques actuará no Centro Comercial Odeón, de Narón.

O público asistente poderá gozar dos Contacontos Musicais ás 18:00. A entrada é de balde e esperamos que tódo-los asistentes o pasen fenomenal.

Aqui tedes unha mostra do espectáculo:

Síguenos en Facebook!

Próxima parada de Musicreques no CRA de Narón

O pasado venres o pasamos fenomenal cos rapaciños de Ourense. Estivieron moi activos e participativos no noso Contacontos para bebés: cantaron, bailaron, deron palmas, moveron os axóuxeres ao ritmo da música e aprenderon un montón de cousas!

Musicreques no Contacontos Musical para bebés

A próxima parada nesta semana será no CRA de Narón para facer unha sesión para escolares do Contacontos Musical. Estamos a desexar que chegue o mércores.

Síguenos en Facebook!

Un xaneiro de Contacontos Musicais

Despois dun Decembro no que Musicreques levou todos os seus espectáculos aos escenarios de Ferrol, O Carballiño, A Baña, Riveira e Curtis, comeza este ano 2019 cun Xaneiro no que o protagonista será o Contacontos Musical.

As datas e horarios son as seguintes: 

Dentro da Programación de Nadal do Concello de Pontedeume, estaremos maña xoves 3, na Casa da Cultura de Pontedeume ás 18:00. 

O venres día 11, faremos unha sesión dobre do Contacontos para bebés en Ourense dentro da Rede Galega de Teatros e Auditorios. A primeira sesión será ás 18:00 e a seguinte ás 19:00.

O mércores 16 é a data elexida para realizar unha sesión para escolares no CRA O Val de Narón ás 12:00. E o venres 25 outra sesión para escolares, desta vez dentro do programa de colaboración co CMUS Xan Viaño, no Ceip de Ponzos de Ferrol, para os nenos de Infantil e Primaria.

Síguenos en Facebook!

Gran afluenza de público no Quebranoces para bebés

É a segunda vez que vistamos Narón para representar O Quebranoces e alégranos dicir que houbo tanto interese por asistir ao noso espectáculo que, o pasado venres, uns cuarenta bebés e os seus pais encheron o local social de San Xiao.

Aquí vai unha mostra do que se puido ver:

A seguinte parada de Musicreques será o día 1 de Xuño en Coirós. Esperámosvos!

Síguenos en Facebook

O Quebranoces no programa Apego en Narón

O venres 11 de maio, ás 18:00, Musicreques representará o seu Quebranoces para bebés no centro cívico social de San Xiao en Narón. Poderán asistir un máximo de 25 nen@s, que irán acompañad@s de, como mínimo, unha persoa adulta.

A actividade é de balde, mais precisa inscrición previa a través de:   a.pita@naron.es

Na inscrición deben aparecer os seguintes datos:
nome da actividade
nome e idade do neno ou nena
nome da nai, pai ou persoa acompañante
enderezo electrónico
teléfono de contacto

Esperámosvos!

Síguenos en Facebook

O Quebranoces para bebés representouse en Narón

O pasado sábado 10 de outubro representamos o espectáculo de "O Quebranoces" para bebés no Auditorio da Praza de Galicia de Narón dentro da festa organizada pola BBTTA de Narón para celebrar a Semana Mundial da Lactancia Materna 2015. 

Á representación asistiron aproximadamente unas 100 persoas, entre rapaciños e pais e nais, e alégranos moito poder dicir que lles encantou a representación e quedaron con ganas de repetir.

Quixemos aproveitar esta ocasión para gravar un pequeno vídeo deste fermoso conto musical onde, ademais de contarlles un relato clásico de Nadal aos nenos, traballamos outros contidos como: as partes do corpo, as cores, o día e a noite, saber onde é arriba e onde é abaixo, etc...

Podedes ver o vídeo dende a páxina de "O Quebranoces" para bebés no noso blog, dende a páxina de  Musicreques de Youtube ou dende a nosa páxina de Facebook. Esperamos que vos guste!

Musicreques en Narón

O pasado xoves 14 de maio, Musicreques desprazouse ata o concello de Narón, para visitar ao CEIP Virxe do Mar. Os rapaces e rapazas do cole, dende infantil ata 6 de primaria, gozaron das peripecias de Ivan o Lobo Gris na súa viaxe polo bosque encantado, quedando abraiados pola maxia da malvada bruxa Baba Yagá e a maravillosa música de Antonín Dvorak.

Foi todo un pracer compartir co CEIP Virxe do Mar o noso proxecto, e unha vez máis poder saborear o seu froito, no rostro de ledicia dos nenos.