domingo, 18 de xullo de 2021

A nosa Ramona foi escollida para celebrar o fin de curso en Franza-Mugardos

Estamos de noraboa!

A nosa canción de Ramona, a mosca lambona, foi escollida pola profesora Carmen Sanmartín para celebrar o fin de curso no Ceip. Santiago Apóstolo Franza-Mugardos cos alumnos de Ed. Infantil. Fixeron un video cantando e bailando a canción e subírono a Youtube. Deixámosvos aquí o enlace para que o gocedes tanto coma nós. 


Por se iso non fora dabondo, no blog da Biblioteca do Ceip. "A casa de Pulpi" fixeron unha entrada con todos o datos posibles sobre Musicreques e sobre a nosa Ramona. Ir ao blog 

A verdade que ser escollidas deste xeito foi unha fantástica sorpresa e unha enorme ledicia. Ramona xa forma parte de todos eses rapaciños e rapaciñas. Moitísimas grazas Carmen!!



A actuación en Laxe saiu moi ben a pesar do vento

O sábado 12 de xuño, con motivo do Día do Medioambiente e o Día dos Océanos, actuamos na Praza dos voluntarios de Laxe co noso contacontos Contos do ceo, da terra e do mar. Seguindo as recomendacións sanitarias o público mantivo a distancia de seguridade e empregou as mascarillas en todo momento. A pesar do vento (que nos complicou bastante a cousa) e da distancia, todos os rapaciños participaron moi activamente no espectáculo cantando, bailando nas cadeiras e reciclando acertadamente o lixo. 

Esperamos volver pronto a este Concello tan bonito con outro dos nosos espectáculos. Ata a próxima!




luns, 26 de abril de 2021

Musicreques retoma a súa actividade

Ola a todos! 

Estamos por aquí para anunciarvos que Musicreques vai retomar a súa actividade despois do parón que fixemos por mor da COVID. Agora estamos a concretar as novas actuacións e pronto poderemos comunicarvos as datas e lugares que, en todo caso, non serán antes do verán.  En verdade estamos moi contentas porque volveremos a Concellos nos que xa estivemos aínda que tamén visitaremos novos lugares e, coma sempre, fainos moita ilusión.

Con un pouco de sorte poderemos próximamente tamén presentarvos o novo proxeto no que estivemos a traballar. Que vos parece un novo contacontos para O Camiño?

Xa falta menos!


Síguenos en Facebook!

Síguenos en Instagram!

Síguenos en Youtube!

xoves, 10 de decembro de 2020

Ramona, a mosca lambona. Un conto divertido para o Nadal

Tal e como vos dixemos hai uns días, o conto de "Ramona, a mosca lambona" está piques de chegar ás librerías colaboradoras. Se estades a buscar un conto divertido para agasallar este Nadal, botadelle un ollo a Ramona que seguro vos vai gustar!.



Sabes que comen as moscas?
Puaj! comen moitas porcalladas!
E ademáis, á mosca Ramona
gustalle moito papar
e come todo o día sen parar.
O luns, o martes, o mércores...
as ricas "larpeiradas" de mosca
vanlle causar problemas a Ramona.
Queres saber o que vai acontecer?

Síguenos en FacebookInstagram ou Youtube


sábado, 5 de decembro de 2020

Musicreques está de celebración

Estes días Musicreques quere festexar dúas boas novas. 

A primeira cousa que estamos a celebrar é que a andanza da nosa compañía de música e monicreques cumpre xa oito anos dende a súa formación. Oito anos de moitas alegrías percorrendo a xerografía galega cos nosos espectáculos de monicreques e contacontos, tocando para a cativada unha morea de música ao piano dos grandes compositores clásicos, como Chopin, Mozart, Debussy, Tchaikovsky, Dvorak, etc..., cantando e bailando coas crianzas, compartindo as nosas historias e os nosos contos e, o que é o mais importante, gozando da ledicia dos nenos e nenas cando actuamos para eles. 

A segunda cousa que queremos compartir convosco e que é un gran motivo de celebración para nós, é que Musicreques está a piques de publicar outro conto. "Ramona, a mosca lambona", que tanto gusta á rapazada e a quen lle temos tanto agarimo, vai estar moi pronto dispoñible nos habituais puntos de venda. Esperamos que gocedes da divertida historia e das fermosas ilustracións de Loreto e Alma.

Co gallo destas dúas celebracións ocurrírsenos crear un pequeno xornal de novas sobre os protagonistas dos nosos contacontos. Unhas poucas follas para ler e entreter. Esperamos que vos divirtan tanto como a nós.

Éche o que hai (completo)

Síguenos nas nosas contas de FacebookInstagram ou Youtube!



domingo, 15 de novembro de 2020

O público de Carnota cantou e bailou con Musicreques

Aínda que faltaban uns poucos días para celebrar Santa Icía, Musicreques viaxou ata Carnota, invitadas polo Concello e a Escola de Música, para festexar cos rapaces da vila o día da patrona dos músicos.

O público asistente participou moi activamente e foi un pracer para Alma e Loreto ver o ben que se manexou toda a cativada cantando e seguindo o ritmo das cancións do Contacontos Musicais.

Deixámosvos aquí un par de videos para que o vexades.

Moitas grazas ao Concello de Carnota e a Alianza, profe da Escola de Música, por invitar a Musicreques a compartir os seus contos e a súa música convosco!! E moitas grazas tamén aos pais e mais que seguen a apostar pola cultura levando ás súas crianzas aos teatros e auditorios.


Síguenos en Facebook!

Síguenos en Youtube!

Síguenos en Instagram!


martes, 20 de outubro de 2020

A canción da vaca Lola en Youtube

Ola a todos!

Estamos moi contentas porque xa subímolo video da canción da vaca Lola á nosa canle de Youtube. Esperamos que teña tan boa acollida como cando cantamos e bailamos esa canción en directo nos nosos espectáculos de Contacontos.

Non deixedes de velo video e de darle ao like se vos gusta! E claro, se coñecedes máis rapazada á que lle guste cantar e bailar, compartide o video para que Lola aprenda a bruar!!

Síguenos en Facebook!

Síguenos en Instagram!

Síguenos en Youtube!