Nova páxina: Histórico

Catro anos de andanza van xa dende o 2012!!

Nus días Musicreques vai estar de aniversario e queremos celebralo con vós cunha páxina nova no blog. Na pestaña de Histórico (arriba e á dereita) podedes ver todos os lugares onde actuamos, os programas, festivais ou ciclos nos que participamos e os centros educativos para os que fixemos sesións didácticas. Esperamos que vos sexa de interese!

Por certo, xa temos 250 seguidores na nosa páxina de facebook! Se non a coñecedes podedes visistala para ter toda a información das nosas actuacións.

Musicreques actuou con moito sol e público no I Castelo Folk

A actuación de Musicreques do pasado sábado no I Castelo Folk, ao pé do Castelo dos Andrade estivo acompañada de moito sol e público. Pasámolo xenial actuando, mais tamén cas outras actuacións, talleres, etc.

Agradecemos á ACRM Xente de aquí e acolá de Nogueirosa que contase con nós para participar nesta velada tan especial.

Musicreques participa no I Castelo Folk de Pontedeume

O próximo sábado 4 de xuño terá lugar o I Castelo Folk na localidade de Pontedeume. Este festival está organizado por ACRM Xente de aquí e de acolá de Nogueirosa e terá un montón de actividades incluíndo una actuación de Musicreques.

Representaremos "Iván e o lobo gris" ao aire libre nos arredores do Castelo de Andrade aproximadamente as 17:00 ou 17:30. Non volo perdades!