domingo, 29 de decembro de 2019

Pechámolo ano cun balance moi positivo

Agora que o 2019 vai rematar, prechámolo ano cun balance moi positivo xa que todos estes meses estiveron cheos de actuacións de Musicreques por numerosos Concellos de Galicia,  especialmente na provincia de A Coruña. 


Algún destes Concellos coñecían a Musicreques de ocasións anteriores, como Abegondo, Narón, Ourense, O Carballiño, Ribadeo..., e alégranos moito que de novo quixeran volver a contar connosco con outro dos nosos espectáculos. Mais tamén fíxonos moitísima ilusión visitar varios Concellos por primeira vez, coma Cee, Cedeira, Coirós, Irixoa, Frades, ou Oza dos Ríos, e aos que esperamos poder volver pronto. 

Outras localidades (como Fene ou Valdoviño) xa as visitáramos polas sesións para escolares que levamos a cabo regularmente, mais neste ano eses Concellos chamáronnos tamén para realizar algunha actuación na súa biblioteca, auditorio ou aula de cultura e sempre é especial coñecer novos espazos!

Quedaron pendentes as actuacións en Trazo e en Mofero que tivemos que deixar para o 2020 por diversas causas e das que vos informaremos en canto concretemos a data.

Pechámolo ano, si... mais facémolo invitándovos a asistir á representación dos Contos e Música do ceo, da terra e do mar que terá lugar o sábado 4 de Decembro ás 17:00 na Casa da Cultura do Concello de Pontedeume. Unha chea de contos, música e monicreques. Volo ides perder?




xoves, 19 de decembro de 2019

Musicreques xa está en Instagram

O pasado fin de semana fixemos una enquisa aos nosos seguidores de Facebook para saber se querían que Musicreques tivera presencia en Instagram, xa que era algo que nos recomendaran facer tempo atrás. A resposta foi moi entusiasta a favor da idea e daquela.... xa temos páxina de Instagram!


Esperamos que a nova vos sexa de interese e que nos sigades por alí! e aproveitamos para lembrarmos que tamén temos páxina de Facebook e canle en Youtube.

Seguídenos nas redes!!


domingo, 15 de decembro de 2019

Musicreques na programación de Nadal

Trala actuación do pasado venres na Escola Municipal Infantil do Concello de Abegondo onde representamos o noso Quebranoces para bebés dentro da programación de Nadal do devandito Concello, estámosnos a preparar para a seguinte representación que será este mércores 18 de decembro no Concello de Fene. Nesta ocasión, Musicreques realizará o Contacontos Musical na Biblioteca Pública Municipal.

As estradas están xa esgotadas dende o venres, mais os interesados pódense apuntar nunha lista de agrada no teléfono 981342302 por se alguén se da de baixa.

Compartimos convosco algunhas fotos do Quebranoces en Abegondo onde os rapaciños estiveron moi atentos e participativos.




 Despois da cita en Fene, poderédesnos atopar o sábado 21 en Trazo! Volo ides perder?

domingo, 17 de novembro de 2019

A páxina de Facebook segue a medrar

A nosa comunidade de Facebook está a medrar. Alégranos poder compartir convosco que xa superamos os 555 seguidores!! Xa sabemos que igual para vós 500 seguidores non son tantos, mais para nós significa que moito do noso público quedou contento connosco e quere estar ao día da nosa axenda, e claro, fainos ilusión! 

Se aínda non nos seguides, recomendámovos que o fagades porque alí tedes toda a nosa actividade actualizada e, se xa o facedes, non vos esquezades de recomendar a páxina de Musicreques aos vosos amigos. Sería unha mágoa que se perderan algunha das nosas actuacións, verdade?


Musicreques actuou en Cedeira

Onte actuamos no Concello de Cedeira dentro da programación de Agadic co noso conto-musical Iván e o lobo gris. Foi unha desas actuacións que lembraremos moito tempo pola boa acollida de público e críticas, e por ter a oportunidade de tocar nun piano fantástico.


Os rapaciños pasárono pipa coas andanzas de Iván e o seu amigo o lobo, e non quisieron perder a oportunidade de sacarse unas fotos cos monicreques ao remate da función. Algúns deles amosaban a súa curiosidade preguntando cousas como: "Os monicreques falan de verdade?"  ou "Que hai no pote da bruxa?".

Gozamos moito da nosa visita ao Concello de Cedeira e esperamos volver pronto con outra das nosas funcións. Queremos tamén agradecer o marabilloso traballo de Quique, o técnico, que nos axudou moitísmo, coas luces e o son, a que o espectáculo saíra tan fantásticamente ben.

domingo, 27 de outubro de 2019

O Contacontos de Musicreques no Apego de Narón

Este venres 25 de Outubro visitamos Narón, invitadas polo Servizo de Normalización Lingüística do Concello, para facer unha sesión dobre do Contacontos Musical para bebés dentro do Programa Apego.

A primeira sesión tuvo lugar ás 17:00 e a segunda ás 18:15 no Local Social "Os Irmandiños" do Val. Encheuse o aforo nas dúas sesións xa que asistiron ao redor de uns 40 bebés acompañados dos seus pais, en cada unha delas.

Todos, maiores e pequenos, pasámolo pipa cos contos, cantando, dando palmas, facendo as coreografías e gozando dos monicreques. Ao rematar o Contacontos, moitos rapaciños achegáronse ata o escenario para que o paxariño Pío lles peteirase na man e foi moi bonito ver as súas caras cheas de ilusión.

Aquí tedes algunhas imaxes do Contacontos para bebés deste venres.




As próximas actuacións serán nos Concellos de Coirós e Cedeira. Vémonos!



venres, 20 de setembro de 2019

Próximas actuacións de Musicreques

Últimamente, alguns dos nosos seguidores, puxéronse en contacto con nós para saber se iamos vistar as súas localidades, así que aquí vos deixamos a lista dos Concellos onde imos actuar neste último trimestre do ano. Para saber as datas ou se engadimos novas localidades á lista, teredes que esperar a que as vaiamos publicando nas redes, tanto aquí no blog como na nosa páxina de facebook.

Os Concellos son os seguintes:
  • Coirós
  • Narón
  • Cedeira
  • Monfero
  • Valdoviño
  • Fene
  • Trazo
  • Abegondo
Nesas localidades faremos espectáculos de monicreques e de contacontos, tanto para cativada maior de tres anos como para bebés.


martes, 17 de setembro de 2019

Musicreques no Apego de Ribadeo

O pasado domingo Musicreques actuou no Concello de Ribadeo, dentro dos programas Apego e Cultura no Camiño, co espectáculo O Quebranoces para bebés. Foi un día moi divertido no que festexamos a nosa volta á actividade con un montón de rapaciños e rapaciñas ribadenses que participaron moi activamente durante todo o conto musical.


A anécdota que imos compartir convosco foi que partimos de risa cando un dos pequerrechos preferiu coller o xirasol xigante que vedes na foto, cando invitamos aos pequerrechos a bailar o Vals das flores axitando un dos axóuxeres-flor (que temos preparados para ese intre da actuación). Semella que os axóuxeres non eran grandes dabondo para o bebeciño...


martes, 10 de setembro de 2019

Musicreques xa está de volta!

E despois deste verán tan atípico no que unha intervención quirúrxica afastounos dos escenarios, Musicreques xa está por fin de volta!!! E, por suposto, voltamos con moitísimas ganas de levar a maxia da música e os monicreques aos rapaciños da nosa Comunidade Autónoma.

Os próximos meses teremos varias actuacións na provincia de A Coruña (que xa vos comentaremos), aínda que comenzamos por visitar a provincia de Lugo nun dos Concellos que temos especial agarimo, por ser dos primeiros en contar con nós para divertir aos seus pequerrechos, O Concello de Ribadeo!

Nesta primeira representación, despois da obrigada pausa do verán, estará adicada aos máis meniños, os bebés, para os que imos levar o noso espectáculo de O Quebranoces dentro do ciclo de Cultura no Camiño e o programa Apego. 


Verdade que vos apetece asistir á máxica viaxe de Quebranoces coa fantástica música de Tchaikovsky? pois non faltedes! A representación será ás 17:30 no Teatro de Ribadeo (rúa San Roque,  nº 2) entrada: 3 euros.



luns, 20 de maio de 2019

Impresionante a participación dos escolares no Contacontos Musical

O pasado mércores 15 e o xoves 16 visitamos dous centros educativos co gallo do día das Letras Galegas para celebrar a nosa língua co espectáculo Contacontos Musical, e alucinamos coa participación dos escolares do Ceip Ponte Carreira do Concello de Frades e do Ceip Oza dos Ríos do Concello Oza-Cesuras. 

A participación no contacontos por parte dos rapaciños é sempre moi activa, mais nesta ocasión á segunda vez que os rapaces escoitaban unha melodía... xa a estaban a cantar!! Repetiron todo o que lles soaba, respostaron ás preguntas, resolveron as adiviñas e incluso cantaron o que non adoita cantar o público. Que ben o pasamos! 

O próximo mércores 22 viaxaremos ata Valdoviño para visitar un cole que xa nos ten acollido con agarimo en ocasións anteriores, o Cpi de Atios.


xoves, 16 de maio de 2019

Musicreques en Cultura no Camiño

Musicreques participa no programa "Cultura no Camiño" de Agadic con tres espectáculos de monicreques para público infantil e familiar.

Hai dous espectáculos para nenos entre 3 e 10 anos Iván e o lobo gris e As aventuras de Quebranoces, e un espectáculo para bebés O Quebranoces. Todos eles con fermosa música de piano interpretada en directo.


martes, 7 de maio de 2019

O Contacontos Musical de Musicreques segue visitando Concellos

Este mes de Maio continuamos a facer o noso Contacontos Musical por distintos lugares da provincia de A Coruña. 


Visitaremos os Concellos de Frades, Oza-Cesuras e Valdoviño, os días 15, 16 e 22.

martes, 23 de abril de 2019

Musicreques celebra o Día Mundial do Libro en Irixoa

O Concello de Irixoa convidounos a celebrar o día do Libro o próximo luns 29 de abril. Farémolo levandolles o noso Contacontos Musical na versión para bebés. Será ás 12:00 da mañá na Biblioteca Municipal.


Os próximos compromisos levarannos ata Frades, Oza-Cesuras e Valdoviño. Se vos interesa, podedes seguir a nosa actividade en Facebook. 


domingo, 14 de abril de 2019

Novo conto de Musicreques en Youtube

Acabamos de subir á nosa canle de Youtube o conto de "A chicharra Dora". Como tódo-los contos do espectáculo Contacontos Musicais é da nosa autoría, escrito por Loreto Pérez e ilustrado por Alma Cendán, e está musicado tal e como o representamos no espectáculo de narración oral.


É un conto breve que vai de músicos pero non só é para músicos porque trata dun tema bastante común, a convivencia entre os veciños. Problema moi frecuente que temos os músicos profesionais, xa que temos que compaxinar o noso amor pola música e a necesidade de practicar frecuentemente, coa dificultades de vivir nunca comunidade de veciños.

Aquí está o video. Esperamos que vos guste!


O conto da chicharra é o segundo video dos contos do Contacontos Musicais. Anteriormente subimos o conto de A tola de Lola que esté a ter moi boa acollida entre os rapaciños. Se vos gustan os contos de animais ou de aqueles que fan cousas que ninguén se espera, non volo perdades!

venres, 12 de abril de 2019

Rematou o programa de colaboración de Musicreques co CMUS Xan Viaño

O venres 5 de abril rematamos no Ceip de Esteiro o programa de colaboración co CMUS Xan Viaño, que levou a música clásica e os contos en galego aos centros educativos públicos de Ferrol. 

No Ceip Isaac Peral
O programa realizado por Musicreques, xunto co CMUS, levou entre os meses de outubro a maio o espectáculo Contacontos Musicais directamente aos centros educativos de: Cruceiro de Canido, San Xoan de Filgueira, Almirante Juan de Lángara, Ponzos, A Laxe, Isaac Peral e Esteiro. De xeito que ao redor duns 600 escolares puideron gozar dos nosos divertidos contos e de moitísimas pezas de música clásica interpretadas ao piano en directo, sen sair do seu centro educativo.

No Ceip A Laxe

No Ceip de Esteiro

Diferentes pezas de Schumann, Brahms, Debussy, Chopin, Saint-Saëns, Mozart, Grieg, Joplin ou Pieczonka, ilustraron os contos de "A galiña Carmiña", "A chicharra Dora", "O caracol viaxeiro", "A lanchiña do flamenco", "Pío e Pía" ou "A tola de Lola".


Os monicreques chamaron moitísmo a atención da cativada, especialmente a galiña Carmiña e os paxariños Pío e Pía, que moitos rapaces tentaron acariñar cando pasaron voando ao seu carón.


Foi todo un placer realizar esta actividade que tivo tan boa acollida na comunidade educativa. Ata a próxima!!

domingo, 7 de abril de 2019

Unha sesión do Quebranoces en familia

Onte actuamos no Concello de Cee dentro do programa "Música e teatro en familia" que se desenvolveu os sábados dende o 23 de febreiro ata o 6 de abril no auditorio Baldomero Cores.


A asistencia de público foi algo escasa, mais iso permitiunos ter unha sesión moi íntima e familiar cos bebés que viñeron ver o espectáculo de O Quebranoces.


As pompas e o avión foron das cousas que máis lles chamaron a atención aos pequerrechos, aínda que estiveron atentos e participativos durante todo o conto musical.


Foi un pracer actuar no Concello de Cee e esperamos volver pronto con outro dos nosos espectáculos. Moitas a grazas a Pablo e Víctor pola súa amabilidade para con nós. Ata a próxima!

martes, 26 de marzo de 2019

Musicreques comeza abril con dúas actuacións na primeira semana

Neste próximo mes de abril, que en breve vai comezar, temos dúas actuacións programadas para a primeira semana.

O venres 5 remataremos o programa de colaboración co CMUS Xan Viaño visitando o CEIP de Esteiro de Ferrol, para representar os Contacontos Musicais. E o sábado 6 viaxaremos ata o Concello de Cee co noso Quebranoces para bebés. Será ás 18.00 no Auditorio Baldomero Cores dentro do programa "Música e Teatro en familia" incluída na AGADIC de 2019.


domingo, 24 de marzo de 2019

Musicreques na vosa biblioteca


Co gallo da próxima solicitude por parte dos Concellos das actividades incluídas no catálogo de "Ler conta moito 2019", querémosvos informar dalguns erros que poden dificultar a localización dos nosos Contacontos para que poidan ser representados na vosa biblioteca.


En primeiro lugar, non nos busquedes polo nombre artístico xa que na inscripción o responsable de facela equivocouse e non aparecemos.  😥





Para localizar os nosos Contacontos recomendámosvos que poñades Musicreques no apartado de Actividade. Deste xeito obteredes dous resultados: 

1- Contacontos Musicais 
2- Contos e música do ceo, da terra e do mar.

Por outra banda, e xa dentro de cada actividade, recomendámosvos tamén que visitedes o noso blog para ter toda a información de cada Contacontos, xa que o enlace que aparece na páxina de Ler conta moito tampouco vos vai servir de moito.  😥

Pinchade nestos enlaces que aprecen a continuación e teredes toda a información que necesitedes.

1- Contacontos Musicais (Este contacontos ten dúas versións e pode estar dirixido tanto a nenos de 0 a 3 anos como a nenos de 3 a 12. Xa foi representado con moi boa acollida e en numerosas ocasións tanto no 2018 como no que levamos do 2019)

2- Contos e Música do ceo, da terra e do mar (co mesmo formato dos Contacontos Musicais, contos en prosa e en verso, música de piano en directo, cancións, adiviñas, etc, con contos e monicreques diferentes. De estrea no 2019)

Se ti es programador xa sabes!...  e se non es programador e aínda así quéresnos ver na túa biblioteca habitual, fálalle de nós ao responsable dela ou envíalle este enlace.




domingo, 17 de marzo de 2019

Actuacións de Musicreques no programa de colaboración co CMUS Xan Viaño

O venres 15 de marzo fixemos a sexta actuación do programa de dinamización da música e a lectura que Musicreques fai en colaboración co CMUS Xan Viaño de Ferrol. Desta vez fumos ata o Ceip. Isaac Peral onde actuamos para 130 rapaciños de Infantil que estiveron moi atentos e participativos. O próximo mes de abril remataremos o programa no Ceip. de Esteiro. 

E mentras chega esa data seguiremos a levar os nosos espectáculos a outros Concellos como o de Cee, no que representaremos O Quebranoces (espectáculo para bebés) no ciclo de "Música e Teatro en familia" de Agadic.


domingo, 10 de marzo de 2019

Espectáculos na Rede Cultural

O próximo mércores remata o prazo de solicitudes para a contratación dos nosos espectáculos na Rede Cultural da Deputación de A Coruña. Aínda estades a tempo se vos interesa. 😊

Temos tres espectáculos de monicreques que podedes atopar na categoría de Teatro-infantil (por un erro non aparecemos en Teatro-monicreques) e un espectáculo de Contacontos (que si está ben clasificado) na categoría de Teatro-Contacontos. Todos eles con música de piano en directo.
 🎼🎼🎹🎹

Teatro-infantil ( de monicreques)
1. As aventuras de Quebranoces
2. Iván e o Lobo gris
3. O Quebranoces (espectáculo para bebés)

Teatro-Contacontos
1. Contacontos Musicais

Podedes atopar toda a información sobre estos espectáculos neste blog nas pestañas de Espectáculos de monicreques e Contacontos.

Éxito da actuación de Musicreques no Odeón

A actuación no Centro Comercial Odeón de Narón foi todo un éxito de público. 

Os rapaces asistentes estivieron atentos durante todo o espectáculo e participaron moitísimo. Cantaron, deron palmas, responderon ás preguntas, contaron a tódo-los animais, resolveron as adiviñas e fixeron as coreografías propostas.

Un público fantástico!!




mércores, 6 de marzo de 2019

Próxima actuación de Musicreques no Odeón

O sábado deste próximo fin de semana Musicreques actuará no Centro Comercial Odeón, de Narón.

O público asistente poderá gozar dos Contacontos Musicais ás 18:00. A entrada é de balde e esperamos que tódo-los asistentes o pasen fenomenal.

Aqui tedes unha mostra do espectáculo:


luns, 4 de marzo de 2019

Musicreques no Carballiño

Onte actuamos no Auditorio Municipal de O Carballiño, dentro das actividades da Rede de Teatros e Auditorios e Agadic. Representamos os Contacontos musicais adaptados ao entroido, coa visita do gorila Martiño e divertidas adiviñas que gustaron moito aos rapaciños.

Todo saiu estupendamente e pasámolo pipa. Ademáis, logo fumos gozar do marabilloso polbo á feira e claro, estaba para chupar os dedos!! Esperamos volver de novo con outro dos nosos espectáculos!

Moitas grazas a Celia e a Xulia! Unha aperta

Aquí vos deixamos algunhas fotos de onte.





A seguinte actuación será o próximo sábado 9 de marzo ás 18:00 no Centro Comercial Odeón, en Narón.  


martes, 26 de febreiro de 2019

Musicreques está na Rede Cultural de A Coruña

Co gallo da apertura mañá do prazo de contratación para a Rede Cultural da Deputación de A Coruña, compartimos convosco o video dun dos nosos espectáculos en cartel, O Quebranoces.


Ademáis deste espectáculo (para bebés), tamén temos disponible na Rede Cultural outros dous contos musicais con monicreques, para nenos de tres a 12 anos.

Iván e o lobo gris (unha historia de aventuras polo bosque con música de A. Dvorak)

As aventuras de Quebranoces (o conto clásico de Hoffmann coa fermosa música de P. I. Chaikovsky)


Se queredes estar ao día da nosa actividade Síguenos en Facebook!

sábado, 23 de febreiro de 2019

O conto de "A tola de Lola" en Youtube

Como sabedes, o conto de " A tola de Lola" é un dos contos de Musicreques pertencente ao espectáculo de Contacontos Musicais. Témolo á venta nas librerías Áncora e Ferreiros de Pontedeume e no Bieiteiro de Abegondo. Se vos interesa e aínda non o tedes impreso en papel, podedes conseguilo nestas librerías ou tamén facernos un pedido directamente a nós xa que, se o precisades, o enviamos a domicilio.

Hoxe estamos moi contentas de poder comunicarvos que podedes tamén agora gozar do conto de Lola coa mesma música e narración oral que facemos no contacontos. O único que tedes que facer é visitar a nosa canle de Youtube ou directamente neste post. 

"A tola de Lola" é un conto orixinal de Musicreques, escrito por Loreto Pérez e ilustrado por Alma Cendán. Trata dunha vaquiña tola que sempre está a pensar en como pode axudar, mais non sempre as súas eleccións son as mellores opcións...

Un divertido conto no que se tratan temas como o respeto aos que son diferentes, a importancia de valorar aos demais polo que fan aínda que non sempre as cousas saian como un quere, e o valor de ser quen un es maila que non sexa o que os demais esperan del. 



venres, 22 de febreiro de 2019

Video dos Contacontos Musicais en Youtube

Acabamos de subir á nosa canle de Youtube un pequeno video do espectáculo dos Contacontos Musicais.


É unha breve mostra do que fixemos en distintas localizacións (como Negreira, Ourense, Carballo ou Pontedeume), dos materiais que empregamos (monicreques, ilustracións, instrumentos de pequena percusión, etc),  e tamén da posta en escena. 

A música que soa de fondo é o acompañamento ao piano duna das cancións incluídas no espectáculo: a canción da Tola de Lola, composta por Alma Cendán.



sábado, 2 de febreiro de 2019

Os Contacontos Musicais nos colexios de Ferrolterra

Este mes de febreiro os Contacontos Musicais de Musicreques tamén teñen cita nos coles de Ferrol e Narón. 

O venres 15 visitaremos o Ceip A Laxe onde actuaremos para aproximadamente 60 escolares de infantil e primaria. Esta actuación enmárcase dentro do programa de dinamización da música e a lectura que facemos conxuntamente co CMUS Xan Viaño de Ferrol.


O mércores 20 achegarémonos ata Narón, ao Ceip A Solaina onde volveremos a contar os nosos contos aos raparigos e raparigas da comarca de Ferrolterra. 

mércores, 30 de xaneiro de 2019

Video da reportaxe sobre Musicreques de La Voz de Galicia

Xa está disponible na nosa canle de Youtube o pequeno video incluído na versión dixital do artigo de Beatriz Antón en La Voz de Galicia do 22 de xaneiro de 2019.

Esperamos que vos guste!


sábado, 26 de xaneiro de 2019

Os Contacontos de Musicreques en Ler Conta moito

Neste ano 2019, Musicreques volve a participar no programa "Ler conta moito" de dinamización da lectura, das Bibliotecas públicas integradas en la Red de Bibliotecas Públicas de Galicia.

Participamos con dous Contacontos diferentes:



Os dous contacontos caracterízanse por misturar a narración oral coa interpretación de música en directo, ademáis de monicreques, cancións, rimas e ilustracións. Todo elo para facer dos contos algo no que os rapaces poidan participar activamente. Estos espectáculos son aptos para ser representados tanto en espazos de interior como en exteriores. 

Os contos, escritos por Loreto Pérez e ilustrados por Alma Cendán, están pensados co obxectivo de entreter, divertir, soñar, educar e reflexionar, para público infantil e familiar e adaptados ás distintas idades. 


mércores, 23 de xaneiro de 2019

Reportaxe sobre Musicreques na Voz de Galicia

Onte tivemos a sorte de que Beatriz Antón, do xornal La Voz de Galicia, viñera a falar connosco sobre a traxectoria de Musicreques nestos seis anos dende a formación da compañía. Deixánosvos aquí o enlace o artigo esperando que sexa do voso interese. 


Moitas grazas a Beatriz polo seu traballo e a José Pardo polas fotos e o vídeo.

Imaxe de José Pardo

xoves, 17 de xaneiro de 2019

O Contacontos Musical con linguaxe de signos

Onte actuamos para os escolares do CRA de Narón no Local social "Os Irmandiños" de O Val. Foi un día moi especial para nós porque tivemos a oportunidade de compartir os nosos contos co alumnado con discapacidades auditivas grazas á fantástica labor de Lorena María García, intérprete de linguaxe de signos.

Aquí vos deixamos un par de fotos da actuación de onte na que se pode observar a Lorena na marxe dereita desenvolvendo a súa labor de intérprete. 



Grazas ao CRA de Narón pola súa invitación, a César e Susana pola súa amabilidade para connosco e, por suposto, moitísmas grazas polos agasallos! Por certo, as "Maruxas de nata" estaban tan boas que ao chegar a casa volaron!!



luns, 14 de xaneiro de 2019

Próxima parada de Musicreques no CRA de Narón

O pasado venres o pasamos fenomenal cos rapaciños de Ourense. Estivieron moi activos e participativos no noso Contacontos para bebés: cantaron, bailaron, deron palmas, moveron os axóuxeres ao ritmo da música e aprenderon un montón de cousas!

Musicreques no Contacontos Musical para bebés

A próxima parada nesta semana será no CRA de Narón para facer unha sesión para escolares do Contacontos Musical. Estamos a desexar que chegue o mércores.

martes, 8 de xaneiro de 2019

O Contacontos Musical de Musicreques en Ourense

O próximo venres 11 faremos dúas funcións dos Contacontos Musicais para bebés (para nenos e nenas de 0 a 4 anos) na Sala Apego do Auditorio Municipal de Ourense. Serán ás 18:00 e ás 19:00 e as entradas xa están á venda en Ataquilla.com (3 euros en venda anticipada e 4 euros na billeteira dúas horas antes da función. Crianzas gratis).

Se queredes gozar dos contos, a música e os monicreques, non deixedes de vir!

Cada cousa no seu lugar. Na terra: elefante, tartaruga, caracol.