mércores, 17 de decembro de 2014

Musicreques leva a Iván ao Ceip de Andrade

Tras a exitosa estrea da semana pasada no Couceiro Freijomil... arranca a xira musical de "Iván e o Lobo gris"





A primeira parada dos nosos monicreques nesta nova andaina que comezan, foi o pasado luns no CEIP de Andrade, un cole xa coñecido por Musicreques no que sempre nos sentimos moi ben acollidas. 

Ao espectáculo asistiron todos os nenos do cole, tanto os de Educación Infantil como os de Primaria, e pasárono xenial coas aventuras dos nosos protagonistas. Os nenos acompañaron as danzas eslavas de Dvorak con palmas e gargalladas a esguello, e ata rematamos o espectáculo cantando todos xuntos a fermosa canción baseada no tema da Danza Eslava nº 1 incluída na nosa Guía Didáctica. Foi un final moi fermoso e emocionante!

Noraboa a profe de música Isabel por ser quen de achegar a música aos pequenos con tanta ilusión, e grazas a todo o cole de Andrade por tratarnos sempre cun agarimo tan especial. 





sábado, 13 de decembro de 2014

Unha semana de moitas emocións

Que semana máis emocionante foi para nós esta que remata!

Comezou na preestrea de "Iván e o Lobo gris" que fixemos para os máis achegados, xa que sempre que estreamos un novo espectáculo rodámolo antes para un público de confianza a así poder reflexionar e melloralo antes de presentalo ao público en xeral. A verdade é que saíu todo ben e os nenos dixéronnos que lles gustou incluso máis que "As aventuras de Quebranoces". Que alegría nos deron!!! Os rapaciños ríronse moito e pasárono moi ben. Tal e coma nós pensáramos as idades recomendadas para o espectáculo de Iván serán de 3 ata os 10 anos.



Aquí tedes unhas fotos da preestrea



A segunda ocasión especial foi este xoves xa que a Asociación Musical Musicreques fixo dous anos de andaina. Dous anos!! quen o ía dicir.... 

Estamos moi ledas por todo o vivido e feito neste tempo e desexamos que esta fantástica aventura dure moito tempo máis. Esperamos que nos acompañedes e nos sigades dando forza para emprender novos proxectos. Lembrade que temos unha páxina de Facebook na que poderes seguir de preto toda a nosa actividade.

A terceira emoción e alegría desta semana foi e estea de "Iván e o Lobo gris" nun colexio, e non un colexio calquera, senón no Ceip. Couceiro Freijomil. Que pracer amosar o noso traballo por primeira vez nese colexio, que é tan especial para nós por ser quen nos animou a facer dun "pequeno" proxecto un "gran" proxecto que enche as nosas vidas de ledicia e diversión. Gracias Ceip. Couceiro Freijomil!!

Aquí vos deixamos un par de enlaces aos seus comentarios da nosa actuación:



xoves, 4 de decembro de 2014

Tivemos moitísimo público na actuación no Graxal en Cambre

A actuación no Centro Sociocultural do Graxal do sábado non puido ir mellor. Tivemos un cheo total de aforo, con moitísimos rapaces e pais que tiveron incluso que sentar no chan ou ficar de pé xa que tódalas cadeiras estaban xa ocupadas. Por se iso fora pouco, alegrounos moito ver entre tódolos asistentes a Emma, Adriana, Nico e Jose. Grazas por vir e por gozar co noso espectáculo!


A verdade é que deu gusto ver as caras de pequenos e maiores durante a representación. Os sorrisos e a participación continua dos pequenos nas distintas escenas motívanos a seguir con noso traballo de compartir a beleza da música e o teatro cos rapaciños. 

O novo equipo de son funcionou ben e estamos contentas da compra pero aínda temos que aprender a lle sacar o máximo partido. Estamos a estudar o libro de instrucións para poder soar o mellor posible. 

Comeza agora a conta atrás para as próximas representacións, que serán moi especiais porque imos deixar descansar un pouquiño a Quebranoces para estrear Iván e o Lobo gris. Terá tan boa acollida este novo espectáculo como o de Quebranoces? Xa vos contaremos...

xoves, 27 de novembro de 2014

Quebranoces en Cambre

Tralas actuacións nos concellos de Cerdido e Cerceda os días 20 e 24 deste mes, para os colexios de Ceip. a Barqueira e Ceip. Celso Emilio Ferreiro, achégase a actuación do sábado en Cambre, no Centro Cultural do Graxal. 

Se todo marcha ben poderemos estrear ese día o novo equipo de son, que esperamos vos guste moito. 

Deixámosvos o link á axenda cultural de Cambre  para que consultedes toda a información. Lembrade que é o sábado 29 ás 19:00!




martes, 11 de novembro de 2014

Musicreques en Arzúa

O pasado domingo Musicreques pechou o VIII Ciclo de Teatro no outono do Concello de Arzúa. 

A actuación foi todo un éxito de público. Con máis de 100 persoas entre rapaciños e rapaciñas de todas as idades, nais, pais e avós, "As aventuras de Quebranoces" fixeron as delicias de grandes e pequenos!

Ao rematar a función moitos pais achegaron aos seus nenos ata o teatrillo para sacarlles fotos cos monicreques. Aquí tedes un par de fotos que nos pasaron da actuación.




Agradecemos moito ao Concello de Arzúa e, especialmente, a Marcos Pampín, todas as facilidades que nos deron para que saíra todo perfectamente. Esperamos voltar pronto!


domingo, 19 de outubro de 2014

Boas críticas para Musicreques das Bibliotecas de Neda e Mugardos

Nas reseñas que fixeron no blog de "Ler conta moito" as Bibliotecas Públicas Municipais de Mugardos e Neda das nosas recentes actuacións, falan de "As aventuras de Quebranoces" como un estupendo espectáculo que encatou a pequenos e maiores! Podedes botarlle un ollo ás reseñas pinchando nos seguintes enlaces.

Reseña da BPM de Mugardos
Reseña da BPM de Neda


mércores, 17 de setembro de 2014

Axenda de actuacións (set-dec 2014)

Como nos estades a preguntar as datas e lugares onde imos estar nos próximos meses, deixámosvos aquí a axenda de actuacións que temos para este derradeiro cuatrimestre do 2014. Lembrade que as datas poden variar e que se poden engadir outras novas actuacións, polo que vos recomendamos seguir a nosa páxina de Facebook xa que ahí teredes a información máis actualizada. 

Setembro
Día 25 ás 12:00. Aula da Cultura de Neda. Representación de As aventuras de Quebranoces no programa "Ler conta moito". Actuación para os nenos de Infantil dos Ceip San Isidro y Ceip de Maciñeira.

Día 25 ás 18:00. Biblioteca Municipal de Mugardos. Representación de As aventuras de Quebranoces no programa "Ler conta moito". Entrada libre.

Novembro
Día 9 ás 18:00. Casa da Cultura de Arzúa. Representación de As aventuras de Quebranoces no "Ciclo de Teatro no Outono". Entrada libre.

Día 20 ás 12:00. Ceip A Barqueira de Cerdido. Representación de As aventuras de Quebranoces para os rapaces do colexio.

Día 24 ás 11:00. Ceip Celso Emilio Ferreiro de A Silva-Cerceda. Representación de As aventuras de Quebranoces para os rapaces do colexio.

Día 29 ás 19:00. Centro Socicultural do Graxal en Cambre. Representación de As aventuras de Quebranoces. Entrada libre.

Decembro
Día 12, hora a determinar. Ceip Couceiro Freijomil de Pontedeume. Representación de Iván e o Lobo gris para os rapaces do colexio.

Día 15 ás 12:00. Ceip de Andrade-Pontedeume. Representación de Iván e o Lobo gris para os rapaces do colexio.

Día 20 ás 12:00. Biblioteca Ánxel Casal de Santiago de Compostela. Representación de As aventuras de Quebranoces no programa "Ler conta moito". Entrada libre.

Día 28 ou 4 de xaneiro. Día e hora a determinar. Vedra. Representación de As aventuras de Quebranoces. Entrada libre.

luns, 8 de setembro de 2014

Presentamos "O Quebranoces" para bebés

Cando comezamos ca Asociación e pensamos en difundir a música clásica entre os nenos, sempre pensamos en aqueles que xa ían ao colexio e non se nos ocorreu pensar nos máis pequeniños, os rapaciños e rapaciñas de menos de tres anos. Fai pouco unha nai dunha Escola Infantil Municipal de A Coruña púxose en contacto con nós e preguntou se podiamos adaptar "As aventuras de Quebranoces" para nenos de 0 a 3 anos, facéndonos decatar de que os máis meniños tamén teñen que gozar da beleza da música e a diversión do teatro e, por suposto, canto antes mellor!!

E así xurdiu este espectáculo que vos imos presentar. 


"O Quebranoces" para bebés baséase no coñecido conto de Hoffmann xunto ca fermosa música da Suite de Tchaikovsky, ao igual que fixemos en "As aventuras de Quebranoces", pero adaptado ao nivel de comprensión e desenrolo dos bebés. Procuramos reducir a duración da actuación a 1/2 hora para que os pequenos non cansen e poidan estar atentos durante todo o conto, pero tamén engadimos outros contidos axeitados aos campos que se traballan nas Escolas Infantís: o coñecemento do corpo, as cores, o día e a noite, o tempo, a roupa, o primeiro contacto cos números, que é arriba ou abaixo….

Tedes toda a información que podades necesitar na páxina MONICREQUES, situada máis arriba desta entrada ou pinchando directamente neste enlace.

Se queredes ver parte dos contidos que os nenos van traballar en "O Quebranoces" para bebés, o podedes facer nesta canción que, polo que nos din, xa está a ter moi boa acollida!



mércores, 3 de setembro de 2014

Presentamos "Iván e o Lobo gris"

Ola a todos! A ninguén lle gusta que rematen as vacacións, así que a mellor forma de empezar setembro é facendo algo que nos faga felices, e a nós alégranos moito poder presentarvos hoxe o espectáculo de "Iván e o Lobo gris".

Xa temos todo listo: a música, os monicreques, o decorado, a guía didáctica e, por suposto, a páxina na que podedes atopar toda a información sobre este novo concerto didáctico. Podedes acceder a ela dende a pestana de MONICREQUES do blog ou pinchando neste enlace: Iván e o Lobo gris


Por se non vos lembrades do que comentamos sobre Iván faremos aquí un pequeno resumo. 

En primeiro lugar eliximos a música… e custounos moito porque tiñamos en mente moitas opcións marabillosas. Finalmente decidímonos polas Danzas eslavas de A. Dvorak porque é unha música moi fermosa e con moitísima enerxía que con toda seguridade lles vai gustar moito aos nenos.

Despois pensamos en buscar un conto que tivera relación cos ritmos eslavos das Danzas que vai a escoitar o público. Limos moito na web e rematamos por coñecer a A. Afanasiev, un folclorista de orixe ruso que se adicou a recompilar contos de tradición eslava. Entre todos os contos que lemos había algúns personaxes que nos gustaron especialmente e que poderedes ver no espectáculo: Iván, o Lobo gris, o paxaro de fogo, a ra, e Baba Yaga. Non deixedes de visitar a páxina:
e ler algún dos contos recompilados por Afanasiev. Seguro que vos van gustar!

Igual que fixemos en "As aventuras de Quebranoces" preparamos unhas diapositivas para que os nenos vexan mentres escoitan a música e que fan que o conto continúe entre as escenas que acontecen no teatrillo de monicreques. Ensinámosvos unha delas para que podades ver os bonitos debuxos das diapositivas.


Espero que vos guste o espectáculo de Iván e que gocedes con el tanto como o facemos nós.

mércores, 25 de xuño de 2014

Ultimas actuacións antes do verán

O venres 20 despedimos a nosa actividade antes de comezar as vacación de verán con dous concertos didácticos en dous extremos da provincia da Coruña. Pola mañán visitamos o Ceip de Frions en Santa Uxía de Ribeira invitados pola Anpa do cole, de quen tivemos una gran axuda con todos os nosos trebellos. Pola tarde subimos ata a Biblioteca municipal de A Capela onde tiñamos unha actuación dentro do programa de animación á lectura "Ler conta moito" das Bibliotecas Públicas de Galicia. Deixámosvos aquí o enlace ao seu blog onde aparece a reseña da nosa actuación. Foi un día moi intenso e moi divertido!

Con estas dúas representacións de "As aventuras de Quebranoces" despedimos, xunto cos rapaces de Frions e A Capela, o intenso curso escolar e comezamos as vacación estivais. Voltaremos á actividade en setembro. 

Actuación na Biblioteca de A Capela

Lembrade que para o próximo curso poñeremos en marcha o novo espectáculo de "Iván e o lobo gris", unha fantástica historia de lobos, bruxas e maxia, na que poderedes acompañar a Iván na desesperada procura dun misterioso ladrón ao que terá que atopar…. se non quere que lle corten a cabeza! E todo iso cos nosos fermosos monicreques e a xenialidade e enerxía da música das Danzas eslavas de Antonín Dvorák.

venres, 13 de xuño de 2014

O día 20 estaremos en Ribeira e A Capela

De hoxe nunha semana, o venres 20 de xuño, percorreremos de sur a norte a provincia de a Coruña para levar o noso espectáculo dende Ribeira, onde actuaremos para os nenos e nenas de o Ceip. de Frións, ata a Biblioteca Municipal de A Capela, na que representaremos "As aventuras de Quebranoces" dentro do programa "Ler conta moito".

Fainos moita ilusión que os nenos poidan despedir o curso escolar e comezar as súas vacacións estivais gozando ca música e o teatro.



mércores, 21 de maio de 2014

Celebramos o Día das Letras Galegas no Ceip. Mesón do Vento

Os nenos e nenas do CEIP Mesón do Vento celebraron o pasado venres 16 de maio o Día das Letras Galegas e o fixeron disfrutando das "Aventuras de Quebranoces".



Alí, coñecimos ás profes Lucía e Ana que nos acolleron con moito agarimo e nos axudaron na montaxe do noso equipo e na colocación da pantalla das diapositivas. Unha vez todo preparado... comezou a función!

Os nenos, tanto os pequeniños de Educación Infantil coma os de Primaria, estiveron moi atentos ás ocurrencias de Quebranoces e a súa panda de monicreques: participaron nos feitizos máxicos da Fada de Azucre, animaron con enerxía a Quebranoces para que subira á muralla chinesa, avisaron do perigo da famenta serpe do deserto e ata lle ensinaron a Quebranoces como se dicía correctamente o nome do compositor ruso Chai-kovs-ky!!, autor da fermosa música que escoitaron, bailaron e acompañaron con palmas durante o espectáculo.

Sentímonos moi a gusto traballando neste cole tan acolledor, e moi ilusionadas por formar parte na súa celebración do Día das Letras Galegas, unha festa tan importante para a nosa cultura gallega.



venres, 16 de maio de 2014

Musicreques foi a Ribadeo con Quebranoces e os seus amigos

O pasado sábado visitamos a Biblioteca Municipal "El viejo Pancho" de Ribadeo. 

A Biblioteca, situada nun vello e precioso edificio, tomou o nome do escritor local José María Alonso Trelles y Jarén (1857-1924) quen empregaba o pseudónimo de "El viejo Pancho" nas súas obras. É pequena pero moi acolledora e puidemos montar todos os nosos trebellos para a actuación sen moitos problemas. Ademais tivemos unha grande axuda por parte de Verónica, do Concello de Ribadeo, que estivo con nós todo o tempo axudándonos ca loxística.

Para o concerto viñeron moitos pais e nais con rapaciños de diferentes idades, moitos deles pequeniños, que se portaron fantásticamente ben estando moi atentos e participativos. A actuación saíu moi ben e todos gozaron ca música e as trapalladas dos monicreques. Fíxonos moita gracia que un dos chistes que tiveron especialmente boa acollida foi, coma non podía ser doutro xeito, a referencia á muralla de Lugo. Notouse que estabamos na provincia lucense!

Deixámosvos o enlace da páxina de ler conta moito onde falan da actuación e algunhas imaxes do concerto.

http://blogs.xunta.es/lercontamoito/2014/05/15/as-aventuras-de-quebranoces-na-b-p-m-el-viejo-pancho-de-ribadeo/







martes, 6 de maio de 2014

Obtivemos moi boas críticas da actuación do pasado venres

O comentario explicativo que apareceu hoxe no blog de "Ler conta moito" superou todos as nosas expectativas sobre a aceptación do noso espectáculo de "As aventuras de Quebranoces" o pasado venres en O Vicedo. Fainos moi felices que lles gustara tanto e que recomenden o noso concerto didáctico!

Deixámosvos o enlace á páxina por se o queredes ler

http://blogs.xunta.es/lercontamoito/2014/05/06/as-aventuras-de-quebranoces-triunfaron-no-vicedo/

luns, 5 de maio de 2014

Actuación na Casa da Cultura de O Vicedo

O pasado venres, por primeira vez viaxamos con Musicreques fora da provincia de A Coruña para visitar o pobo de O Vicedo na mariña lucense, que contou con nós para actuar no programa de animación á lectura "Ler Conta Moito" da Xunta de Galicia.

Ata o auditorio da Casa da Cultura de O Vicedo acercáronse moitas familias interesadas en coñecer e participar nas aventuras de Quebranoces. Para o noso deleite, o público estivo moi atento, escoitando a maravillosa música de Tchaikovsky á vez que se divertía coas argalladas e disparatadas peripecias dos monicreques. Ao finalizar o concerto sentímonos novamente recompensadas ao ver os sorrisos nos rostros de pequenos e maiores ao saír da sala tras os aplausos. 

Moitas grazas a Jose Antonio Quelle pola súa amabilidade e boa acollida na Casa da Cultura, e o nosos parabéns polo seu esforzo e dedicación na súa labor de achegar a música e o teatro ás xentes da vila de O Vicedo!






venres, 25 de abril de 2014

Musicreques actuou de novo no Ceip. San Marcos de Abegondo

Fixádevos que casualidades ten a vida...

Fai pouco máis dun ano, o 16 de abril do 2013, estreábamos "As aventuras de Quebranoces" no Ceip. San Marcos de Abegondo e comezaba a nosa andaina de difundir a música clásica tocando o piano e facendo teatro de monicreques. E aquí nos tedes, un ano máis tarde, repetindo a visita ao Ceip. San Marcos co mesmo concerto didáctico, para que os nenos de Infantil e 1º de Primaria, que non puideron velo naquela ocasión, o disfrutaran nesta.


Tras nós, durante estes meses, quedan moitas visitas a outros coles como os de: Ceip. A Magdalena (As Pontes de García Rodríguez), Ceip. A Maía (Bertamiráns), Ceip. Conde de Fenosa (Ares), Ceip. Couceiro Freijomil (Pontedeume), Ceip de Andrade (Pontedeume), Cpi. de Atios (Valdoviño), Ceip. Gándara-Sofán (Carballo), Ceip. Inmaculada (Santiago de Compostela), Ceip. O Ramo (Barallobre, Fene), e tamén moitos momentos de ledicia, emoción e tenrura cos rapaces. Non obstante, Abegondo e o Ceip. San Marcos sempre terán un oco especial nos nosos corazóns. 

Queremos expresar o noso agradecemento ao Concello de Abegondo por contar con nós no programa  "Ler conta moito" e, especialmente, agradecer a Mar o seu traballo e a súa amabilidade para con nós. Esperamos voltar pronto e poder mostravos o novo espectáculo "Iván e o lobo gris"!





mércores, 16 de abril de 2014

Actuación no Ceip A Magdalena de As Pontes

O pasado xoves 10 de abril visitamos o Ceip. A Magdalena de As Pontes de García Rodríguez para representar "As aventuras de Quebranoces", invitados pola Anpa do colexio, a quen lle queremos agradecer a súa axuda e amabilidade para con nós. 

Foi unha mañán fantástica porque os rapaces, tanto os pequenos como os maiores, estiveron moi participativos e seguiron con moita atención todo o concerto didáctico. Un dos momentos nos que os nenos se alporizaron máis foi cando tentaban avisar aos nosos protagonistas Quebranoces e Clara, das verdadeiras intencións da famenta serpe. Tamén axudaron un montón a que Quebranoces aprendera a pronunciar ben o nome de Tchaikovsky, axudaron á muller do ruso a buscar ao seu home e, no derradeiro número, alzáronse tantas mans de rapaces voluntarios para bailar o Vals das flores que non puidemos elixir só a uns poucos e todos os nenos que quixeron saíron a bailar.

En fin… que foi un día moi especial!! 

Moitas gracias a todo o colexio, a Isabel da Anpa, e á profesora de música a quen lle queremos mandar unha aperta e prometer que para a próxima ocasión aceptaremos gustosas o café ao que tan amablemente nos invitou.

O día 24 estaremos no Salón de Abegondo

O xoves 24 deste mes temos unha cita no Centro Cultural O Salón, en Mabegondo, cos nenos e nenas de Infantil e 1º de Primaria do Ceip. San Marcos de Abegondo. 

Aquí vos deixamos un anaco da Axenda cultural do Concello de Abegondo na que figura a próxima actuación de Musicreques. 




Enlace á páxina da Axenda Cultural de Abegondo: 

venres, 14 de marzo de 2014

Próximas actuacións de Musicreques

Xa saíu publicada a resolución do programa "Ler conta moito" da Rede de Bibliotecas Públicas de Galicia e podemos dicir que a nosa proposta de actividade de música e monicreques "As aventuras de Quebranoces" tivo moi boa acollida. Nos próximos meses poderédesnos ver nas localidades de Abegondo, A Capela, Neda, Santiago de Compostela, Mugardos, Ribadeo e O Vicedo. Publicaremos en facebook as datas, lugar e hora das actuacións, para que podades achegarvos e ver o concerto se o desexades.

Temos tamén previstas moitas outras actuacións dentro da rede Cultural da Deputación, das que vos informaremos en breve, e que nos levarán por toda a provincia de A Coruña.




sábado, 8 de febreiro de 2014

Rede cultural. Abre o prazo de solicitudes de actuacións.


O prazo para que os concellos e entidades da provincia de A Coruña soliciten actuacións dentro do programa da Rede Cultural 2014 estará aberto entre o 7 e o 26 de febreiro. Deixámosvos aquí o link da páxina da Deputación ca información.

http://www.dicoruna.es/dicoruna-noticia/servlet/Noticias?lang=gl&accion=2&ver=19&nid=19574

mércores, 29 de xaneiro de 2014

Estamos na Rede Cultural e no programa Ler Conta Moito

Notificámosvos que xa nos podedes atopar no catálogo de actividades do programa Ler conta moito da Rede de Bibliotecas Públicas de Galicia. O prazo para a solicitude de actividades e a aceptación das bases da convocatoria é do 28 de xaneiro ata o 14 de febreiro


Tamén podedes solicitar a nosa actuación dentro da Rede Cultural da Deputación, onde participamos no apartado de XXX Programa de música e teatro para grupos non profesionais, na categoría de Grupos de Títeres. 


luns, 27 de xaneiro de 2014

Iván e o lobo gris

Aquí tedes outra mostra máis do que poderedes ver en "Iván e o lobo gris". Presentámosvos a o Rei Otón, o Lobo Gris e a Baba Yaga!






Por culpa dun deles o noso amigo Iván vaise ver metido nunha aventura na que poderá perder a súa cabeza e algo máis. Outro dos tres personaxes convertirase nun gran amigo e compañeiro de aventuras, e o terceiro... ai… o terceiro… para saber o que fai este último teredes que esperar á estrea.

domingo, 26 de xaneiro de 2014

Avanzamos no novo proxecto

Ola a todos! Xa fai un mes que escribimos por última vez e non queremos que pensedes que estamos a perder o tempo.

A verdade é que estamos a adicar estas datas a preparar o material do noso novo proxecto "Iván e o lobo gris" no que interpretaremos as Danzas Eslavas de Dvorak. Se non as coñecedes, recomendámosvos que o fagades de seguido porque non teñen desperdicio. Como son danzas, son moi rítmicas e as hai de moi distinto carácter mais todas transmiten moita enerxía e son moi alegres. Con toda seguridade aos nenos lles van encantar!

O traballo sobre o decorado marcha a bo ritmo e xa temos feito o bosque, a casa de Baba Yaga,  a maceira... Os que xa víchedes  "As aventuras de Quebranoces" poderedes observar que nesta ocasión o decorado vai ser algo máis complexo. Pensamos que vai quedar moi bonito. Como exemplo vos deixamos unha foto dun anaco do bosque no que Iván vivirá moitas aventuras.

Como vos adiantamos noutras entradas anteriores do blog, no conto haberá un lobo e unha bruxa, entre outros personaxes. O que non vos imos dicir agora é cal dos dous será o malo da historia. Rematará Iván nas fauces do lobo? ou será tal vez a bruxa Baba Yaga a que tente comer ao noso protagonista?. Se queredes saber o que vai pasar teredes que ver o concerto. O guión quedou moi simpático e esperamos que vos riades un montón mentres descurre a historia. 

Xa falta menos para a data de estrea!