As últimas actuacións que realizamos as Musicreques foron nos Concellos de Foz y Aranga cos espectáculos dos Contacontos musicais e O Quebranoces para bebés, onde o público miúdo pasouno xenial e participou moi activamente.
Deixámosvos unhas fotos que compartiu o Concello de Aranga nas súas redes sociais.
Rematamos o mes de Agosto con actuacións nos Concellos de Tordoia e A Baña para a cativada dos campamentos de verán. Os Contacontos Musicais fixeron as delicias dos rapaciños que cantaron connosco todas as cancións mentres gozaban do aire libre. A actuación en A baña foi nun lugar tan bonito que quedará nas nosas lembranzas!
Esperamos volver pronto con otro dos nosos espectáculos.
A rapazada de Carnota volveu gozar da música e contos de Musicreques. Nesta ocasión o espectáculo representado foi o de Contos e música do ceo, da terra e do mar. A estrela e o cabaliño, o polbo Froilán, a tartaruga cociñeira, Pío e Pía e a mosca Ramona fixeron as delicias do público miúdo que non parou de cantar e bailar durante todo o contacontos.
En decembro Musicreques voltará ao Concello de Carnota co espectáculo para bebés de O Quebranoces.
Estamos de noraboa!
A nosa canción de Ramona, a mosca lambona, foi escollida pola profesora Carmen Sanmartín para celebrar o fin de curso no Ceip. Santiago Apóstolo Franza-Mugardos cos alumnos de Ed. Infantil. Fixeron un video cantando e bailando a canción e subírono a Youtube. Deixámosvos aquí o enlace para que o gocedes tanto coma nós.
Por se iso non fora dabondo, no blog da Biblioteca do Ceip. "A casa de Pulpi" fixeron unha entrada con todos o datos posibles sobre Musicreques e sobre a nosa Ramona. Ir ao blog
A verdade que ser escollidas deste xeito foi unha fantástica sorpresa e unha enorme ledicia. Ramona xa forma parte de todos eses rapaciños e rapaciñas. Moitísimas grazas Carmen!!
O sábado 12 de xuño, con motivo do Día do Medioambiente e o Día dos Océanos, actuamos na Praza dos voluntarios de Laxe co noso contacontos Contos do ceo, da terra e do mar. Seguindo as recomendacións sanitarias o público mantivo a distancia de seguridade e empregou as mascarillas en todo momento. A pesar do vento (que nos complicou bastante a cousa) e da distancia, todos os rapaciños participaron moi activamente no espectáculo cantando, bailando nas cadeiras e reciclando acertadamente o lixo.
Esperamos volver pronto a este Concello tan bonito con outro dos nosos espectáculos. Ata a próxima!
Ola a todos!
Estamos por aquí para anunciarvos que Musicreques vai retomar a súa actividade despois do parón que fixemos por mor da COVID. Agora estamos a concretar as novas actuacións e pronto poderemos comunicarvos as datas e lugares que, en todo caso, non serán antes do verán. En verdade estamos moi contentas porque volveremos a Concellos nos que xa estivemos aínda que tamén visitaremos novos lugares e, coma sempre, fainos moita ilusión.
Con un pouco de sorte poderemos próximamente tamén presentarvos o novo proxeto no que estivemos a traballar. Que vos parece un novo contacontos para O Camiño?
Xa falta menos!
Tal e como vos dixemos hai uns días, o conto de "Ramona, a mosca lambona" está piques de chegar ás librerías colaboradoras. Se estades a buscar un conto divertido para agasallar este Nadal, botadelle un ollo a Ramona que seguro vos vai gustar!.
Estes días Musicreques quere festexar dúas boas novas.
A primeira cousa que estamos a celebrar é que a andanza da nosa compañía de música e monicreques cumpre xa oito anos dende a súa formación. Oito anos de moitas alegrías percorrendo a xerografía galega cos nosos espectáculos de monicreques e contacontos, tocando para a cativada unha morea de música ao piano dos grandes compositores clásicos, como Chopin, Mozart, Debussy, Tchaikovsky, Dvorak, etc..., cantando e bailando coas crianzas, compartindo as nosas historias e os nosos contos e, o que é o mais importante, gozando da ledicia dos nenos e nenas cando actuamos para eles.
A segunda cousa que queremos compartir convosco e que é un gran motivo de celebración para nós, é que Musicreques está a piques de publicar outro conto. "Ramona, a mosca lambona", que tanto gusta á rapazada e a quen lle temos tanto agarimo, vai estar moi pronto dispoñible nos habituais puntos de venda. Esperamos que gocedes da divertida historia e das fermosas ilustracións de Loreto e Alma.
Co gallo destas dúas celebracións ocurrírsenos crear un pequeno xornal de novas sobre os protagonistas dos nosos contacontos. Unhas poucas follas para ler e entreter. Esperamos que vos divirtan tanto como a nós.
Síguenos nas nosas contas de Facebook, Instagram ou Youtube!
Aínda que faltaban uns poucos días para celebrar Santa Icía, Musicreques viaxou ata Carnota, invitadas polo Concello e a Escola de Música, para festexar cos rapaces da vila o día da patrona dos músicos.
O público asistente participou moi activamente e foi un pracer para Alma e Loreto ver o ben que se manexou toda a cativada cantando e seguindo o ritmo das cancións do Contacontos Musicais.
Deixámosvos aquí un par de videos para que o vexades.
Moitas grazas ao Concello de Carnota e a Alianza, profe da Escola de Música, por invitar a Musicreques a compartir os seus contos e a súa música convosco!! E moitas grazas tamén aos pais e mais que seguen a apostar pola cultura levando ás súas crianzas aos teatros e auditorios.
Ola a todos!
Estamos moi contentas porque xa subímolo video da canción da vaca Lola á nosa canle de Youtube. Esperamos que teña tan boa acollida como cando cantamos e bailamos esa canción en directo nos nosos espectáculos de Contacontos.
Non deixedes de velo video e de darle ao like se vos gusta! E claro, se coñecedes máis rapazada á que lle guste cantar e bailar, compartide o video para que Lola aprenda a bruar!!
O pasado día 10 de outubro Musicreques levou o seu espectáculo de Contacontos Musicais ata o Concello de Bergondo. A representación tuvo lugar no auditorio da Senra pola tarde seguindo tódalas medidas de seguridade axeitadas a estes tempos de pandemia.
O público infantil e familiar mostrouse moi participativo e gozou dando palmas, cantando, resolvendo adiviñas e, como non, gozando especialmente da música e dos contos.
Deixámosvos algunhas fotos do acontecido ese día e esperamos que vos gusten!
Estamos moi contentas de podervos contar de que a nosa canle de Youtube ten cada día máis seguidores. Xa pasamos dos 100!!
A cousa é que a nosa comunidade incrementouse notablemente a partir do confinamento polo Covid, no que subimos un montón de videos novos para facer a situación máis levadeira ás crianzas. Mais tamén temos axuda con artigos tan estupendos como o que publicou o outro día a páxina de Youtubeir@s
No post de Youtubeiras falan da nosa canle en compañía doutras tan importantes como as do OQO, os Bolechas, Apego e compañías referentes da escena infantil galega como Migallas Teatro, Pakolas, Uxía Lambona, etc. Que privilexio figurar entre tan grandes nomes!!
Moitas grazas a Youtubeir@s por pensar en nós e moitas grazas ao nosos público por seguirnos nas nosas redes. Dádesnos ánimos para pensar en novas cousas que facer!
Unha aperta
Onte, Musicreques viaxou ata o Concello de Sada para representar o Contacontos Musical dentro do programa Ler Conta Moito. A actuación levouse a cabo con tódalas medidas de seguridade necesarias nestes tempo de pandemia, como o uso obragatorio de mascarillas, distancia de seguridade, control do aforo, uso de xeles desinfectantes, etc.
O próximo sábado día 3 de outubro Musicreques actuará na Casa da Cultura Pintor Lloréns do Concello de Sada. O espectáculo elexido é o Contacontos Musical, co que as crianzas, ademáis de gozar dos contos, poderán cantar, bailar, aprender moitas cousas e tamén coñecer a música de Satie, Chopin, Saint Saens, Brahms e moitos compositores máis.
A cita é ás 18:30 e a entrada gratuita, máis hai que reservar entrada antes de ir porque o aforo é limitado. Non faltedes e veredes que ben o imos pasar!
E se non vos podedes achegar nesta ocasión, non vos preocupedes... porque o sábado 10 viaxaremos ata Bergondo para facer a versión para bebés do Contacontos Musical.
Que ilusión!!!
